بالدارجة le bilan

آشناهوا le bilan ؟؟

هاد le bilan هوا واحد الجدول فيه زوج ديال الخانات، و هو Etat de synthése يعني الدولة فارضاه على الشركات حيت كايبين آش عند
الشركة يعني le patrimoine
الخانة الاولى سميتها Actif
الخانة التانية سميتها Passif
قبل ما نبدا نشرح بغيت كل واحد يتخيل بلي عندو شركة و يسميها هي فين غادي يطبق هاد الكونطا

Actif :
هو شنو درنا بالفلوس لي عندنا يعني فاش اومبلوايناهم داكشي علاش كايقولو ليكم ان الاكتيف فيه les emplois يعني فاش خدمنا دوك الفلوس و شنو درنا بيهم،

[quads id=5]

انتوما ملي تخيلتو ديك الشركة ديالكم ضاروري غادي تخيلو فيها بيسيات، بيرويات، عندكم شي طوموبيل د الخدمة، السلعة، الما و الضو و الاشهار …
هادو هوما les emplois لي كانديروهم ف أكتيف ديال البيلون و صااافي

Passif :
هاد الباصيف هو منين كانجيبو هادوك الفلوس لي شرينا بيهم داكشي لي ف الأكتيف يعني les ressources اه المواااارد !! تلفتي ؟ لا لا راه عادي خاصك راس المال باش تنشأ شركة لي هو Capital
ضونك ملي تخيلتي شركتك فكرتي منين غادي تجيب لفلوس ؟؟ عندك راس المال و غادي تسلف شوي من عند البنك و غادي تقول لمول السلعة (fournisseur) انه يعطيك السلعة كريدي ياااك ؟؟ اوا هادشي غادي تكتبو ف الباسيف ديال البيلون